Бунт во австралиски центар за мигранти и азиланти
Во австралискиот центар за мигранти и азиланти, на Божикниот остров, во Индискиот Океан, избувна бунт кој се уште не може да се стави под контрола, соопшти денеска управата на Центарот.
Најагресивните бунтовници подметнуваат пожари низ Центарот и го оштетуваат имотот, но засега нема податоци за повредени меѓу заточените мигранти и меѓу вработените во Центарот.
Бунтот го предизвикале група мигранти од Иран, револтирани од смрта на еден ирански Курд. Во саботата тој побегнал од оградениот простор на Центарот, а вчера чуварите го откриле неговото мртво тело.
Не е позната причината за смрта, но тоа предизвикало револт меѓу мигрантите кои прво почнале со мирен протест, но состојбата излегла од контрола, кога група најагресивни меѓу нив, почнале да подметнуваат пожари и да повикуваат на пресметка со чуварите и вработените во Центарот.
Властите одлучиле да ги повлечат сите чувари кои се вработени во една приватна безбедносна фирма.Ваквото решение се објаснува дека е донесено од „безбедносни причини„.
Божикниот остров се наоѓа 2650 километри, северозападно од Перт, но е одалечен помалку од 360 километри, јужно од индонезискиот остров Јава.
Божикниот острив е под контрола на Австралија и на него е изграден центар за мигранти и азиланти, во кои се чуваат оние кои илегално, со помош на чамци, се обидуваат да дојдат во Австралија.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка