Се урна меѓукат при што се повредени 28 лица во зградата на индонезиската берза.
Портпаролката на болницата во индонезиската престолнина Џакарта, соопшти дека во болница има 28 лица, но и дека се проценува сериозноста на нивните повреди, јавува АП.
Портпаролот на државната полиција на Индонезија рече дека причината за уривањето на меѓукатот не е бомба.
Исламските екстремисти извршија бомбашки напад на една од двете кули на индонезиската берза во септември 2000 година.
Шефот на берзата им соопшти на новинарите дека системот на берзата не е спречен од падот на меѓукатот, и дека сите членови на берзата се безбедни.
Додаде дека берзата ќе продолжи да работи без прекини.
