Македонија
14. March 2018 - 11:52

„Нашите деца скапуваат во гроб, имате ли душа судија" - oдложено судењето за Монструм

Во Кривичниот суд денеска требаше да се одржи рочиште за случајот „Монструм“ против обвинетите за петкратното убиство кај Смилковското езеро во Скопје на 12 април 2012 година.

Жестока расправа полна со емоции од страна на родителите на убиените момчиња кај Смилковското езеро предизвика денешното второ одложување на случајот „Монструм“ откако Врховен го врати предметот на почеток и ги ослободи од притвор обвинетите, поради тоа што Катица Јанева го побарала предметот, јавува 24 вести.

- „До кога ќе се купува време ова е политички пазар судија , нашите деца шест години скапуваат во гроб, имате ли душа судија имате ли деца“, беа само дел од негодувањата кои родителите ги упатија до судијата Огнен Ставрев.