И Асанж го избриша својот профил на Фејсбук
Основачот на Викиликс, Џулијан Асанж денеска на Твитер објави дека го избришал својот профил на Фејсбук, обвинувајќи го притоа основачот на оваа социјална мрежа Марк Цукерберг дека е „мегаломанијак кој своите корисници ги нарекува глупаци“.
- Само што го избришав својот профил на Фејсбук. Всушност никогаш не го ни користев. Пријатели не ги уфрлуваат своите пријатели во огромната база на разузнувачки податоци, што ги контролира мегаломанијакот кој своите корисници ги нарекува глупаци, објави Асанж на Твитер.
Во прилог на пораката, Асанж објави и фотографија од преписка меѓу Цукерберг и негов неименуван пријател, во која основачот на Фејсбук вели дека докоилку му треба може да му обезбеди повеќе од 4.000 пораки, фотографии и и-мејл адреси на која било личност од Харвард.
Во преписката пријателот го прашува Цукерберг како успеал да ги обезбеди сите тие податоци, а тој му одговара дека „луѓето едноставно му ги доставиле“.
- Немам поим зошто, Тие едноставнои ми „веруваат“. Глупаци, стои во одговорот на Цукерберг со датум од 2004 година.
Оваа преписка се појави уште во мај 2010 година, по што Цукерберг за тогашниот портал „Силикон Ели Инсајдер“ (денешниот „Бизнис Инсајдер“) призна дека таа е веродостојна, но нагласи дека „од тогаш пораснал и се променил“.
Претходно и американскиот милијардер Илон Маск ги избриша официјалните профили на „Тесла Моторс“ и „СпејсХ“ на Фејсбук, кои заедно имаа над два и пол милиони пријатели.
Фејсбук се најде на удар на критики на јавноста откако беше објавено дека социјалната мрежа на компанијата „Кембриџ Аналитика“ и доставила податоци на 50 милиони нејзини корисници, без нивно знаење и одобрение. „Кембриџ Аналитика“ работела за потребите на изборната кампања на американскиот претседател Доналд Трамп во 2016 година.
По избувнувањато на скандалот, берзанската вредност на компанијата „Фејсбук“ се намали за над 58 милиајрди долари.
Цукерберг засега не се огласи во врска со овој скандал.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка