Спорт плус
29. August 2015 - 18:40

Евгени Поп Ацев прв Македонец победник на Охридскиот пливачки маратон

 

Македонскиот пливач Евгени Поп Ацев е победник на 29.тото издание на Охридскиот пливачки маратон. 
 
Евгени Поп Ацев прв Македонец победник на Охридскиот пливачки маратон. Конечно во 29-тото издание на Охридскиот маратон, Поп Ацев стана првиот Македонец кој прв доплива до целта на охридското пристаниште, на патеката долга 30 км. чиј старт беше кај Свети Наум.
 
На маратонот кој е дел од „Гран-при“ серијата на Светската пливачка федерација, Поп Ацев во неизвесен финиш стигна пред Аргентинецот, Дамјан Блаум и вториот македонски пливач Томи Стефановски кој заврши како трето пласиран.
 
Во женска конкуренција, првото место и припадна на Личе Франко од Италија.