Шкодран Идризи се бараше со две меѓународни потерници една за фалсификување на патни исправи и друга за мавровските работници. Според Министерството за правда, екстрадицијата се дозволува заради извршување на едногодишната казна затвор за фалсификување на исправа и за обвинението од Јавното обвинителство за случајот Мавровски работници.

 

Мавровски работници по десетина одложувања останаа само на стартот. Досега судскиот процес се одложуваше поради повеќе причини - еднаш не беа достапни обвинетите, кога станаа достапни, адвокатите бараа превод на сите документи на албански јазик.

 

Некои од обвинетите беа во Албанија, некои на печалба во Германија, а за повеќето обвинети никој и не знае каде се. Случајот Мавровски работници е еден од четирите предмети за кои Хашкиот трибунал реши да не поведува постапка и ги врати на процесуирање во Македонија.

Обвинети се 23 лица меѓу кои и пратеникот на ДУИ Хисен Џемаили.