Словенечката полиција испрашува пет луѓе, вклучувајќи го министерот за земјоделство и двајца пратеници, под сомневање за корупција при продажба на земјиште.
Полициски извори за тамошните медиуми потврдија дека пет лица се приведени во истрага за криминал и корупција во високите кругови на власта.
Осомничените не се идентификувани, но полицијата соопшти дека ги претресува нивните куќи, работни места, вклучувајќи го и парламентот.
Словенечките медиуми соопштија дека осомничени се министерот за земјоделство Милан Погачник, двајца опозициони пратеници, градоначалникот на Мурска Собота и поранешниот директор на единственото словенечко меѓународно - товарно пристаниште Копер.
Коментирај