Црна Гора отвори конзулат во Македонија со седиште во Штип
Црна Гора денеска отвори конзулат во Македонија со седиште во Штип со кој се очекува да се продлабочи досегашната соработка и да се подигнат на повисоко ниво дипломатските односи меѓу двете држави.
- Во наредниот период, Црна Гора и Република Македонија интензивно ќе работат кон зајакнување на економската соработка, за што ќе придонесе и новата директна авио-линија на релација Скопје-Подгорица. Црна Гора и Република Македонија потребно е со заеднички сили да ги искористат поволностите што ги нуди Европската унија, итакна црногорскиот амбасадорот Предраг Митровиќ на официјалното отворање.
Почесниот конзул на Црна Гора во седиште во Штип, Бранко Азески ја нагласи важноста на соработката и добрите односи меѓу двете држави, а отворањето на Конзулатот, според него, дополнително ќе придонесе за взаемното приближување пред се на економски и културен план.
Во однос на туристичката соработка беше потенцирано дека двете држави треба повеќе да се заложат за развој на туристичкиот сектор преку заеднички промоции и понуда на туристички пакети, а особено значајна би била реализацијата на иницијативата за повторно воведување на авионската линија Скопје - Подгорица - Скопје.
Добра можност за унапредување на трговската соработка се гледа и во пласманот на свеж и преработен зеленчук и овошје и други земјоделски производи, како и во областа на градежништвото и метало-преработувачката индустрија.
- За сето ова да се реализира мора да бидат надминати одредени проблеми кои го оневозможуваат и обременуваат процесот, а тоа се овозможување погодна инфраструктура и надминување на поголем број прекугранични бариери кои го кочат самиот процес, смета Азески.
Обемот на вкупната трговска размена меѓу Македонија и Црна Гора во 2017 година изнесува 38,9 милиони американски долари и бележи зголемување од 16,5 проценти во споредба со минатата година. Иако споредбено трговската размена по номинален учинок помеѓу двете земји е релативно мала, сепак постојат нагорни трендови во зголемувањето на увозот и извозот, посебно во делот на преработувачката индустрија и земјоделските култури, додека пак во нагорна линија на увозот од Црна Гора се прехранбените производи и обработката на дрво, но најзначаен удел има порастот кај услугите во секторот туризам.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово