Акција за чистење на коритото на Маркова Река
Акција за чистење на коритото на Маркова Река спроведува општина Кисела Вода. Преку секторот за месна самоуправа, ангажирани се два тима на сезонски работници кои во текот на вчерашниот и денешниот ден, интензивно работат на отстранување на гранки, тиња и песок, како превенција од нивно поголемо таложење, што би довело до намалување на пропусната моќ на реката и нејзино излевање во случај на обилни дождови, соопшти општина Кисела Вода.
Се работи во месните заедници Пинтија и населба Драчево, каде на сезонските работници им помагаат и жителите на овие две урбани и месни заедници, чии домови се наоѓаат во близина на Маркова Река.
Акцијата за чистење на Маркова Река ќе трае до конечното расчистување на нејзиното корито и се спроведува по вторпат годинава. Неодамна, општина Кисела Вода спроведе редовно превентивно чистење и на каналот за отпадни води во месноста „Потстаница” (Црниот канал), како и на реката „Мала Рада” во селото Драчево.
Од општина Кисела Вода апелираат граѓаните да го почитуваат Законот за јавна чистота и со своето однесување да придонесат за здрава и чиста животна средина.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри